Elon Musk က Tesla ဟာ next-generation Roadster ကို မကြာခင် ချပြနိုင်တော့မယ်လို့ အရိပ်အမြွက် ပြောကြားခဲ့ပါတယ်။ The Joe Rogan Experience မှာ သူက ကုမ္ပဏီဟာ “prototype (ပုံစံတူ) ကို ပြသဖို့ အရမ်း နီးစပ်နေပါပြီ” လို့ ပြောခဲ့ပြီး အဲဒီ demo ဟာ “မမေ့နိုင်စရာ” ဖြစ်မယ့်လို့ ဆိုပါတယ်။
Rogan က ဘာက မမေ့နိုင်စရာ ဖြစ်စေမလဲလို့ မေးတဲ့အခါ၊ Musk က ရယ်ပြီး “ကောင်းတာဖြစ်ဖြစ် ဆိုးတာဖြစ်ဖြစ်၊ ဒါက မမေ့နိုင်စရာ ဖြစ်မှာပါ” လို့ ပြန်ပြောခဲ့ပါတယ်။ ပြီးတော့ သူက “ကျွန်တော့်သူငယ်ချင်း Peter Thiel က အနာဂတ်မှာ ကားပျံတွေ ရှိသင့်တယ်လို့ တစ်ခါက ပြောခဲ့ဖူးတယ် — ဒါပေမဲ့ ကျွန်တော်တို့မှာ ကားပျံတွေ မရှိဘူး” လို့ အရွှန်းဖောက် ပြောခဲ့ပါတယ်။
Rogan က အသေးစိတ်ကို ဆက်မေးပြီး Roadster မှာ ခေါက်တောင်ပံတွေ ပါလာမလားလို့ မေးခဲ့ပါတယ်။ Musk က “မိတ်ဆက်ပွဲမလုပ်ခင် ကျွန်တော် ကြိုမပြောနိုင်ဘူး” လို့ ပြောပြီး အတည်ပြုဖို့ ငြင်းဆန်ခဲ့ပါတယ်။ ဒါပေမဲ့ ဒါဟာ “အစဉ်အဆက် အမှတ်တရ အရှိဆုံး ထုတ်ကုန်မိတ်ဆက်ပွဲ” ဖြစ်နိုင်တယ်လို့ သူက ဆိုပါတယ်။
Musk က “လအနည်းငယ်အတွင်း” prototype ကို ချပြနိုင်ဖို့ မျှော်လင့်တယ်လို့ ပြောခဲ့ပေမယ့်၊ နည်းပညာက အရမ်းကို ရှုပ်ထွေးပါတယ်လို့ အလေးထား ပြောကြားခဲ့ပါတယ်။
“ဒါက အလုပ်လုပ်ဖို့ သေချာအောင် လုပ်ရမယ်။ ဒီကားမှာ အရမ်း အရမ်းကို အံ့သြစရာကောင်းတဲ့ နည်းပညာတချို့ ပါတယ်။ ဥပမာ၊ ဒါက ကားတစ်စီးရော ဟုတ်ရဲ့လား။ ကျွန်တော် မသေချာဘူး။ ဒါက ကားတစ်စီးနဲ့တော့ တူပါတယ်” လို့ သူက ပြောပါတယ်။
Musk က Roadster အသစ်ဟာ “James Bond ကားတွေ အားလုံးပေါင်းထားတာထက် ပိုမိုက်တယ်” လို့ ပြောပြီး၊ ဒါဟာ ကားတစ်စီးထက် ပိုနိုင်တယ်လို့ အရိပ်အမြွက် ပြောခဲ့ပါတယ်။
သူ့ရဲ့ မှတ်ချက်တွေက Tesla ရဲ့ နောက်ထွက်မယ့် Roadster ဟာ ဒေါင်လိုက် အတက်အဆင်း (VTOL) စွမ်းရည်ပါတဲ့ တကယ့် ကားပျံတစ်စီး ဖြစ်လာနိုင်တယ်ဆိုတဲ့ ထင်ကြေးပေးမှုတွေကို ပိုပြီး အားကောင်းစေခဲ့ပါတယ်။
Ref : Technology Innovation
