အော်စကာဆု ချီးမြှင့်တဲ့ ရုပ်ရှင်အနုပညာနဲ့ သိပ္ပံအကယ်ဒမီ (The Academy) က (၉၉) ကြိမ်မြောက် အော်စကာဆုပေးပွဲအတွက် စည်းမျဉ်းသစ်တွေကို ထုတ်ပြန်လိုက်ပါတယ်။ အဲဒီစည်းမျဉ်းတွေအရ AI နဲ့ ဖန်တီးထားတဲ့ သရုပ်ဆောင်တွေ ဒါမှမဟုတ် ဇာတ်ညွှန်းတွေကို ဆုပေးဖို့အတွက် ထည့်သွင်းစဉ်းစားမှာ မဟုတ်ဘူးလို့ တရားဝင် အတည်ပြုလိုက်တာပါ။ အဓိကအားဖြင့်တော့ လူသားတွေရဲ့ ဖန်တီးမှုနဲ့ လုပ်ဆောင်ချက်တွေကိုသာ အသိအမှတ်ပြုသွားမယ့် သဘောပဲ ဖြစ်ပါတယ်။
အခုစည်းမျဉ်းသစ်အရ သရုပ်ဆောင်ဆုတွေအတွက်ဆိုရင် လူသားတွေကိုယ်တိုင် သရုပ်ဆောင်ထားပြီး သူတို့ရဲ့ ခွင့်ပြုချက်ပါဝင်တဲ့ ဖျော်ဖြေမှုမျိုးကိုပဲ သတ်မှတ်မှာ ဖြစ်ပါတယ်။ ဇာတ်ညွှန်းကဏ္ဍမှာလည်း AI က ရေးသားပေးထားတာမျိုး မဟုတ်ဘဲ လူသားစာရေးဆရာတွေ ကိုယ်တိုင် ရေးသားထားတဲ့ ဇာတ်ညွှန်းတွေကိုပဲ အကောင်းဆုံး ဇာတ်ညွှန်းဆုတွေအတွက် ရွေးချယ်သွားမှာပါ။ ဒါဟာ ရုပ်ရှင်လောကမှာ AI အခန်းကဏ္ဍ ကျယ်ပြန့်လာနေပေမယ့် ဖန်တီးမှုရဲ့ အရင်းအမြစ်ဟာ လူသားပဲ ဖြစ်ရမယ်ဆိုတာကို ခိုင်ခိုင်မာမာ သတ်မှတ်လိုက်တာ ဖြစ်ပါတယ်။
ဒါပေမဲ့ ရုပ်ရှင်ရိုက်ကူးတဲ့ နေရာမှာ AI နည်းပညာကို အသုံးပြုတာကိုတော့ လုံးဝ ပိတ်ပင်ထားတာ မဟုတ်ပါဘူး။ နည်းပညာကို အထောက်အကူပြု ကိရိယာတစ်ခုအနေနဲ့ သုံးလို့ရပေမယ့် ဖန်တီးရှင်အဖြစ် အသိအမှတ်ပြုမှာ မဟုတ်ပါဘူး။ အကယ်ဒမီအနေနဲ့ ရုပ်ရှင်တစ်ကားကို အကဲဖြတ်တဲ့အခါမှာ AI ကို ဘယ်လောက်အထိ သုံးထားသလဲဆိုတာကို အသေးစိတ် မေးမြန်းစစ်ဆေးပိုင်ခွင့်ရှိပြီး လူသားတွေရဲ့ ပါဝင်ပတ်သက်မှု အတိုင်းအတာပေါ်မှာပဲ အဓိကထား ဆုံးဖြတ်သွားမှာ ဖြစ်ပါတယ်။
Ref : digitaltrends
