NVIDIA ရဲ့ အမှုဆောင်အရာရှိချုပ် ဂျန်ဆင်ဟွမ် (Jensen Huang) က လွန်ခဲ့တဲ့ နှစ်နှစ်က တရုတ်နိုင်ငံရဲ့ AI ချစ်ပ်ဈေးကွက်ကို အပိုင်စီးထားခဲ့တဲ့ သူတို့ကုမ္ပဏီရဲ့ ဈေးကွက်ဝေစုဟာ အခုအခါမှာတော့ ၀ ရာခိုင်နှုန်းအထိကို အခြေအနေဆိုးသွားပြီလို့ ထုတ်ဖော်ပြောကြားလိုက်ပါတယ်။ အမေရိကန်ရဲ့ ပို့ကုန်ကန့်သတ်ချက်တွေကြောင့် တရုတ်ဈေးကွက်ကို လက်လွှတ်လိုက်ရတာဟာ ကုမ္ပဏီအတွက် အကြီးအကျယ် ထိခိုက်စေခဲ့သလို၊ အမေရိကန်ရဲ့ မူဝါဒတွေဟာ လက်တွေ့နဲ့ ကိုက်ညီအောင် ပြင်ဆင်ဖို့ လိုနေပြီလို့လည်း သူက သတိပေးခဲ့ပါတယ်။
Bernstein ရဲ့ ခန့်မှန်းချက်တွေအရလည်း ၂၀၂၄ ခုနှစ်မှာ ၆၆ ရာခိုင်နှုန်းအထိ ရှိခဲ့တဲ့ NVIDIA ရဲ့ ဈေးကွက်ဝေစုဟာ တရုတ်ပြည်တွင်းထုတ် AI ချစ်ပ်တွေက လိုအပ်ချက်ရဲ့ ၈၀ ရာခိုင်နှုန်းအထိ ဖြည့်ဆည်းပေးနိုင်လာတာကြောင့် ၈ ရာခိုင်နှုန်းလောက်အထိပဲ ကျန်တော့မယ့် အခြေအနေမှာ ရှိနေပါတယ်။ ဂျန်ဆင်ဟွမ်ကတော့ တရုတ်နိုင်ငံဟာ လူသားအရင်းအမြစ်နဲ့ နည်းပညာ သုတေသနပိုင်းမှာ အားသာချက်တွေ ရှိနေတာကြောင့် အခုလို ပိတ်ဆို့မှုတွေက သူတို့ကို ကိုယ့်ခြေထောက်ပေါ်ကိုယ်ရပ်တည်နိုင်အောင် ပိုပြီး တွန်းအားပေးသလို ဖြစ်နေတယ်လို့ ဆိုပါတယ်။
လက်ရှိမှာ တရုတ်နိုင်ငံက နည်းပညာရှင်တွေဟာ NVIDIA ရဲ့ ချစ်ပ်တွေအစား Huawei၊ Cambricon နဲ့ Moore Threads တို့လို ပြည်တွင်းဖြစ် ဟာ့ဒ်ဝဲတွေဘက်ကို အလုံးအရင်းနဲ့ ပြောင်းလဲအသုံးပြုနေကြပါတယ်။ NVIDIA ရဲ့ CUDA ဆော့ဖ်ဝဲလ်စနစ်က အမေရိကန်အတွက် အဓိက အားသာချက်အဖြစ် ကျန်ရှိနေသေးပေမဲ့ တရုတ်ကုမ္ပဏီတွေကတော့ သူတို့ရဲ့ ကိုယ်ပိုင်ချစ်ပ်နဲ့ ဆော့ဖ်ဝဲလ် နည်းပညာတွေကို အရှိန်အဟုန်နဲ့ မြှင့်တင်နေကြတာ ဖြစ်ပါတယ်။
Ref : Fossbytes
