Samsung က အိန္ဒိယမှာ Galaxy F06 5G ကို ကြေညာလိုက်ပါတယ်။ အဲဒီဖုန်းမှာ 6.7” LCD HD+ Display တပ်ထားပြီး 90Hz Refresh Rate, 800 Nits Peak Brightness ပါလာပါတယ်။
MediaTek Dimensity 6300 Chipset မောင်းနှင်ထားပြီး 6GB RAM နဲ့ 128GB Storage အထိ ထည့်သွင်းထားပါတယ်။ Android 15 အခြေပြု One UI 7 ထည့်ထားပါတယ်။ Samsung က Android OS Update နဲ့ Security Update ကို ၄ နှစ်ပေးမယ်လို့ ပြောထားပါတယ်။ 25W Fast Charging ပါတဲ့ 5,000mAh Battery ပါလာပါတယ်။
ကင်မရာ အကြောင်းပြောရရင် အနောက်ဘက်မှာ 50MP Main , 2MP Auxiliary နဲ့ အရှေ့ဘက်မှာ 8MP တပ်ဆင်ထားပါတယ်။ microSD Card Slot နဲ့ Hybrid SIM Slot ပါလာပြီး လက်ဗွေရာ ကိရိယာကို ဘေးဘက်မှာ ထည့်သွင်းထားပါတယ်။ နားကြပ်ပေါက် ပါလာပြီး အလေးချိန်က ၁၉၁ ဂရမ်ပဲ ရှိပါတယ်။
Galaxy F06 5G အတွက် 4/128GB နဲ့ 6/128GB Version တွေ ထုတ်လုပ်ထားပြီး ၉,၉၉၉ နဲ့ ၁၁,၄၉၉ ရူပီး အသီးသီး သတ်မှတ်ထားပါတယ်။ ၁၅၃ ဒေါ်လာနဲ့ ၁၇၆ ဒေါ်လာ အသီးသီး တန်ကြေး ရှိပါတယ်။ Bahama Blue နဲ့ Lit Violet အရောင်တွေ ထုတ်လုပ်ထားပါတယ်။
Ref : Gizmochina
