လူသားတွေ တစ်ပတ် ၅ ရက်၊ ၉ နာရီကနေ ၅ နာရီအထိ အလုပ်လုပ်ရတာဟာ မကြာခင်မှာ ပြီးဆုံးသွားတော့မယ်လို့ Bill Gates က ပြောပါတယ်။ AI ကြောင့် လူသားတွေဟာ တစ်ပတ်ကို ၂ ရက်ပဲ အလုပ်လုပ်ရတော့မယ်လို့ သူက ပြောပါတယ်။ သူက The Tonight Show မှာ AI ဟာ အလုပ်အများစုကို လျှင်လျှင်မြန်မြန်နဲ့ ပိုကောင်းအောင် ပြုလုပ်နိုင်ပါတယ်လို့ ပြောပါတယ်။ ဆရာဝန်နဲ့ ကျောင်းဆရာလို အလုပ်တွေကို ပြုလုပ်နိုင်ပြီး လူသားတွေအတွက် အလုပ်လုပ်ပေးနိုင်မှာပါလို့ သူက ပြောပါတယ်။
သူက AI ဟာ Artificial General Intelligence (AGI) အဆင့်ကို ရောက်သွားရင် လူသားတွေအတွက် အလုပ်အနည်းငယ်ပဲ ကျန်တော့မယ်လို့ ပြောပါတယ်။ အားကစားနဲ့ တီထွင်ဖန်တီးတဲ့ အလုပ်တွေပဲ ကျန်မယ်လို့ ပြောပါတယ်။ လယ်ယာစိုက်ပျိုးရေး၊ ကုန်ထုတ်လုပ်မှုနဲ့ ကုန်ပစ္စည်းသယ်ယူပို့ဆောင်ရေး အလုပ်တွေကို စက်တွေက အပြည့်အဝ လုပ်ဆောင်နိုင်မှာ ဖြစ်ပါတယ်။
တချို့က Work-Life Balance အတွက် ဒါဟာ အခွင့်အလမ်း ဖြစ်တယ်ဆိုပြီးကြိုဆိုကြပါတယ်။ တချို့ကတော့ စိုးရိမ်နေကြပါတယ်။ Geoffrey Hinton လို ပညာရှင်တွေက အလုပ်ပြုတ်သွားသူတွေကို မကူညီမထောက်ပံ့ရင် ဒါဟာ လူ့အဖွဲ့အစည်းမှာ မညီမျှမှု ဖြစ်နိုင်တယ်လို့ ထောက်ပြကြပါတယ်။ လူတော်တော်များများက AI ကျင့်ဝတ်ကို စိုးရိမ်နေကြပြီး ဒီ စွမ်းရည်မြင့် နည်းပညာကို ဘယ်သူတွေက ထိန်းချုပ်မလဲဆိုတာ သေသေချာချာ စဉ်းစားဖို့ လိုအပ်တယ်လို့ ပြောပါတယ်။
Ref : Tech Explorers
