ကောလာဟလတွေ ထွက်နေပေမယ့် သုံးခေါက်ချိုး Galaxy ဖုန်းကို မကြာသေးခင်က ကျင်းပခဲ့တဲ့ Galaxy Unpacked ပွဲမှာ ပွဲထုတ်ပြသခဲ့တာမျိုး မရှိပါဘူး။ ဒါပေမယ့် ပြီးခဲ့တဲ့အပတ်က Samsung Electronics ရဲ့ အကြီးအကဲဖြစ်တဲ့ TM Roh က အဲဒီမော်ဒယ်အသစ်ကို ဒီနှစ်မကုန်ခင်မှာ မိတ်ဆက်သွားမယ်လို့ အတည်ပြု ပြောကြားခဲ့ပါတယ်။ Roh က “လက်ရှိမှာတော့ ထုတ်ကုန်ရဲ့ အရည်အသွေးနဲ့ အသုံးပြုရ လွယ်ကူမှုကို အကောင်းဆုံးဖြစ်အောင် အာရုံစိုက်နေပါတယ်။ ဒါပေမယ့် သူ့ရဲ့နာမည်ကိုတော့ မဆုံးဖြတ်ရသေးပါဘူး။ ထုတ်ကုန်က ပြီးစီးခါနီးဖြစ်လာတာနဲ့အမျှ မကြာခင်မှာ နောက်ဆုံးအဆုံးအဖြတ်ကို ချဖို့ စီစဉ်နေပါတယ်” လို့ ပြောခဲ့ပါတယ်။
Max Jambor က “Samsung Galaxy Z TriFold” ဆိုတဲ့ နာမည်ကို ရွေးချယ်နိုင်တယ်လို့ ထုတ်ဖော်ပြောကြားခဲ့တဲ့အတွက် အဲဒီဆုံးဖြတ်ချက်ကို ချပြီးသား ဖြစ်နိုင်ပါတယ်။ ခန့်မှန်းရတာကတော့ Z Flip7 FE လိုမျိုးပဲ အဲဒီနာမည်ရဲ့နောက်မှာ နံပါတ်တစ်ခုလည်း ပါလာနိုင်ပါတယ်။ Z Flip7 FE က ပထမဆုံး Z Flip FE ဖြစ်ပေမယ့် Z 7 series ရဲ့ အစိတ်အပိုင်းတစ်ခု ဖြစ်နေဆဲ ဖြစ်ပါတယ်။
အပေါ်နဲ့ အောက်မှာ ဖော်ပြထားတဲ့ ဗီဒီယိုတွေကို One UI 8 ထဲမှာ ရှာဖွေတွေ့ရှိခဲ့တာဖြစ်ပြီး၊ One UI 8 ကို Z ခေါက်ဖုန်းအသစ်တွေနဲ့အတူ မိတ်ဆက်ခဲ့ပေမယ့် Galaxy S25 series မှာ အရင်ဆုံး beta test အဖြစ် စမ်းသပ်ခဲ့တာ ဖြစ်ပါတယ်။
အရင်တုန်းက “Galaxy G Fold” ဆိုတဲ့ နာမည်ကို အကြံပြုခဲ့ကြပေမယ့် Samsung အနေနဲ့ လူကြိုက်များတဲ့ “Z” ဆိုတဲ့ နာမည်ပေးပုံစံကနေ ခွဲထွက်ဖို့ တုံ့ဆိုင်းနေနိုင်ပါတယ်။ “G” ဆိုတဲ့အမည်က Samsung က CES 2022 လောက်ကတည်းက ချပြခဲ့တဲ့ Flex G နဲ့ Flex S လို display ရှေ့ပြေးပုံစံတွေနဲ့ ကိုက်ညီနေပါတယ် (ခေါက်ချိုးပုံစံ မတူညီတာကို သတိပြုပါ)။
လက်ရှိအချိန်အထိတော့ အဲဒီ Device အတွက် code name ဖြစ်တဲ့ Q7M နဲ့ model number ဖြစ်တဲ့ SM-F968 ဆိုတဲ့ အထောက်အထားတွေပဲ ရှိပါသေးတယ်။ နှိုင်းယှဉ်ကြည့်မယ်ဆိုရင် Galaxy Z Fold7 ရဲ့ (code name နဲ့ model number) က Q7 နဲ့ SM-F966 ဖြစ်ပါတယ်။ ဘယ်လိုပဲဖြစ်ဖြစ်၊ ပေါက်ကြားလာတဲ့ သတင်းအချက်အလက်တွေအရ အဲဒီ ၃ ခေါက်ချိုးဖုန်းကို အရေအတွက် အကန့်အသတ်နဲ့ပဲ ထုတ်လုပ်သွားမှာဖြစ်ပြီး နိုင်ငံအနည်းငယ်မှာပဲ ရရှိနိုင်မယ်လို့ သိရပါတယ်။
Ref : gsmarena
