Elon Musk ပိုင်တဲ့ Neuralink ရဲ့ ဦးနှောက်တွင်း implant (ချစ်ပ်) ကို ထည့်သွင်းထားတဲ့ ဒုတိယမြောက်လူနာ Alex Conley က သူ့ရဲ့ စိတ်နဲ့ drone တစ်စီးကို ထိန်းချုပ်မောင်းနှင်နေတာကို ပြသတဲ့ ဗီဒီယိုတစ်ခု အွန်လိုင်းမှာ ပေါ်ထွက်လာပါတယ်။
Alex ဟာ ကျောရိုးဒဏ်ရာကြောင့် လှုပ်ရှားမရသူ (paralyzed) ဖြစ်နေပေမယ့်၊ သူ့ရဲ့ဦးနှောက်နဲ့ Arduino code တွေဖန်တီးဖို့ အဲဒီ implant ကို အသုံးပြုခဲ့ပြီး၊ အဲဒီ code တွေက drone ကို ထိန်းချုပ်နိုင်အောင် စွမ်းဆောင်ပေးတာ ဖြစ်ပါတယ်။ သူက ဒီအခွင့်အရေးအတွက် Elon Musk နဲ့ Neuralink အဖွဲ့ကို ကျေးဇူးတင်ရှိကြောင်း ပြောကြားခဲ့ပါတယ်။
Neuralink က Alex ကို ၂၀၂၄ ခုနှစ်၊ သြဂုတ်လမှာ ဒီကိရိယာကို တပ်ဆင်ပေးခဲ့တာဖြစ်ပြီး၊ အဲဒီ implant က သူ့ရဲ့ အာရုံကြောလှုပ်ရှားမှုတွေကို coding interface နဲ့ drone controller နှစ်ခုလုံးကို အသက်ဝင်စေတဲ့ အချိန်နဲ့တပြေးညီ အမိန့်ပေးမှုတွေအဖြစ် ပြောင်းလဲပေးခဲ့ပါတယ်။
Neuralink ကို ၂၀၁၆ ခုနှစ်မှာ အာရုံကြောဆိုင်ရာ ရောဂါတွေအတွက် brain-computer interface တွေ တီထွင်ဖို့နဲ့ လူသား-AI ရေရှည်ပေါင်းစည်းမှုကို လွယ်ကူချောမွေ့စေဖို့ တည်ထောင်ခဲ့တာ ဖြစ်ပါတယ်။ ပြီးတော့ အခုအချိန်အထိ လူ ၁၂ ယောက်မှာ ဒီကိရိယာတွေကို တပ်ဆင်ပေးခဲ့ပြီး ဖြစ်ပါတယ်။
Ref : Fossbytes
