တောင်ပိုင်းကယ်လီဖိုးနီးယား ဆီမီဗယ်လီရှိ တားဂတ်ဈေးဝယ်စင်တာတစ်ခုမှာ တက်စလာကားတစ်စီး ဝင်တိုက်မှုကြောင့် လမ်းလျှောက်နေတဲ့ အသက် ၇၉ နှစ်အရွယ် အမျိုးသမီးတစ်ဦး သေဆုံးသွားပါတယ်။ အဲဒီ ဖြစ်စဉ်ဟာ တနင်္လာနေ့ နေ့လယ်ပိုင်းမှာ ဖြစ်ပွားခဲ့တာ ဖြစ်ပြီး တခြားလူ ၅ ဦးလည်း ဒဏ်ရာရရှိခဲ့ပါတယ်။
ရဲတပ်ဖွဲ့ရဲ့ ပြောကြားချက်အရ တက်စလာကားကို မောင်းနှင်လာတဲ့ အမျိုးသမီးဟာ ကားကို မထိန်းချုပ်နိုင်ဘဲ လမ်းဘေးပလတ်ဖောင်းပေါ်ကို ကျော်တက်ကာ လမ်းလျှောက်နေတဲ့ အမျိုးသမီးကို တိုက်မိခဲ့တာ ဖြစ်ပါတယ်။
အဲဒီနောက် ကားဟာ ကဖေးဆိုင်ရဲ့ ပြင်ပစားသောက်နားနေဆောင်ထဲအထိ ဆက်လက်ဝင်ရောက်သွားခဲ့ပါတယ်။ ကားမောင်းသူ အမျိုးသမီးနဲ့ ကားထဲမှာ ပါလာတဲ့ ကလေး ၃ ဦးထဲက ၁ ဦးတို့ဟာ ဒဏ်ရာရရှိလို့ ဆေးရုံကို ပို့ဆောင်ထားရပြီး ပြင်ပမှာ ရှိနေတဲ့ တခြားလူ ၄ ဦးလည်း ဒဏ်ရာအနည်းငယ် ရရှိခဲ့ပါတယ်။
သေဆုံးသွားတဲ့ အမျိုးသမီးဟာ အဂိုရာဟေးလ်စ်မှာ နေထိုင်သူ ဖြစ်တယ်လို့ ရဲတပ်ဖွဲ့က သတင်းထုတ်ပြန်ထားပါတယ်။ ကားမောင်းသူဟာ မူးယစ်ဆေးဝါး ဒါမှမဟုတ် အရက်သေစာ သောက်စားထားတဲ့ လက္ခဏာမျိုး မတွေ့ရကြောင်းနဲ့ မတော်တဆမှု ဖြစ်ပွားရတဲ့ အကြောင်းရင်းကိုတော့ ဆက်လက် စုံစမ်းစစ်ဆေးနေဆဲ ဖြစ်တယ်လို့ သိရပါတယ်။
Ref: newsnationnow
