DxOMark က မကြာခင်ကပဲ စမ်းသပ်တဲ့ စနစ်ကို ပြောင်းလဲခဲ့ပြီး တချို့ Device အဟောင်းတွေကို ပြန်လည် စမ်းသပ်လာပါတယ်။ ဖုန်း ထုတ်လုပ်သူတွေရဲ့ Software Update တွေကြောင့် ကင်မရာ စွမ်းရည်ဟာလည်း တိုးတက်လာတဲ့အတွက် DxOMark မှာ ရမှတ်တွေ ပိုများလာပါတယ်။
အခုလည်း iPhone 11 ကို ပြန်လည် စမ်းသပ်ပေးလိုက်ပြီး စုစုပေါင်း ရမှတ်ဟာ ၁၀၉ ကနေ ၁၁၉ အထိ သိသိသာသာတိုးတက်လာတာက ၂၀၂၀ ထုတ် စွမ်းရည်မြင့် ဖုန်းတွေဖြစ်တဲ့ Samsung Galaxy S20+ နဲ့ OnePlus 8 Pro တို့ထက် အသာရသွားပါတယ်။ ဒါပေမယ့် Galaxy S20+ ကိုတော့ စနစ် အဟောင်းနဲ့ စမ်းသပ်ထားတာပါ။
iPhone 11 ဟာ သက်တမ်း ၁ နှစ်ကျော်ကြာပြီးတဲ့အချိန်မှာတောင် တကယ်ကောင်းတဲ့ ကင်မရာ ပိုင်ဆိုင်ထားပြီး ဓါတ်ပုံနဲ့ ဗီဒီယို အရည်အသွေး အရမ်း ကောင်းပါတယ်။ ရုပ်သေ ဓါတ်ပုံတွေရဲ့ Exposure က တိကျပြီး အရောင် ထုတ်လုပ်မှုက ကောင်းသလို Indoor မှာလည်း ရုပ်ပုံတွေ အသေးစိတ်ကျပါတယ်။ မြင်ကွင်းကျယ် ကင်မရာရဲ့ စွမ်းရည်ကလည်း မိုက်ပါတယ်။ ဒါပေမယ့် သီးခြား Telephoto ကင်မရာ မပါတဲ့အတွက် DxOMark က Zoom အရည်အသွေးကို သိပ်မကြိုက်ပါဘူး။ ညဘက်မှာ Portrait စွမ်းရည် ကောင်းမွန်မှုကြောင့် DxOMark က အမှတ် ပိုပေးထားတာပါ။
ဗီဒီယို အကြောင်းပြောရရင် DxOMark က Stabilization ကောင်းတယ်လို့ သုံးသပ်ထားပါတယ်။ ဒါပေမယ့် လမ်းလျှောက်ပြီး ဗီဒီယို ရိုက်တဲ့အခါမှာ သိပ်မကောင်းသလို Indoor မှာ ရိုက်တဲ့အခါမှာ White Balance နဲ့ Exposure အားနည်းချက်တွေ ရှိပါတယ်။
Ref : gsmarena
