Huawei က တရုတ်မှာ MatePad Pro 13.2 တက်ဘလက်ကို ကြေညာလိုက်ပြီး နာမည်အတိုင်း 13.2” OLED 1920x2880p မျက်နှာပြင် တပ်ဆင်ထားပါတယ်။ 144Hz Refresh Rate နဲ့ 1,000 Nits Peak Brightness ထောက်ပံ့ထားပါတယ်။
Notch မှာ 16MP အရှေ့ ကင်မရာ တပ်ဆင်ထားပြီး မျက်နှာပြင်ဘေးဘောင်တွေက ပါးလွှာပါတယ်။ စပီကာ ၆ လုံးနဲ့ မိုက်ကရိုဖုန်း ၄ လုံး တပ်ဆင်ထားပါတယ်။ အထူက ၅.၅ မီလီမီတာနဲ့ အလေးချိန်က ၅၈၀ ဂရမ် ရှိပါတယ်။ အနောက်ဘက်မှာ စက်ဝိုင်းပုံ ကင်မရာ Island ထဲမှာ 13MP Main နဲ့ 8MP Ultrawide ကင်မရာတွေ တပ်ဆင်ထားပါတယ်။
Huawei က Chipset အကြောင်းကို မပြောပေမယ့် Mate 60 Series မှာလို Kirin 9000s ထည့်သွင်းထားနိုင်ပါတယ်။ WiFi Only ပဲ ထုတ်လုပ်ထားပြီး 12/16GB RAM နဲ့ 256/512/1TB Storage တွေ ရွေးချယ်နိုင်ပါတယ်။
HarmonyOS 4 နဲ့ 88W Wired Fast Charging ပါတဲ့ 10,100mAh Battery ထည့်သွင်းထားပြီး Huawei က တတိယမျိုးဆက် M-Pencil နဲ့ Smart Magnetic Keyboard ကို ထုတ်လုပ်ပေးထားပါတယ်။
MatePad Pro 13.2 အတွက် အစိမ်း၊ အနက်နဲ့ အဖြူရောင် ထုတ်လုပ်ထားပြီး 12/256GB က ၅,၁၉၉ ယွမ် (၇၁၁ ဒေါ်လာ) ကစကာ 16GB/1TB ကို ၆,၉၉၉ ယွမ် (၉၅၇ ဒေါ်လာ) သတ်မှတ်ထားပါတယ်။
Ref : gsmarena
