Apple ဟာ iPhone ထုတ်လုပ်မှုကို တရုတ်ကနေ တခြား နိုင်ငံတွေဆီ ပြောင်းရွှေ့ဖို့ အစီအစဉ်ကို အမြန်ဆုံး အကောင်အထည်ဖော်တော့မယ်လို့ သတင်းထွက်လာပါတယ်။ Apple က တခြားနိုင်ငံတွေအဖြစ် အာရှ နိုင်ငံတွေ ဖြစ်တဲ့ အိန္ဒိယနဲ့ ဗီယက်နမ်ကို ရွေးချယ်ထားပါတယ်။
တရုတ်ဟာ Apple ရဲ့ အဓိက ထုတ်ကုန်တွေကို ထုတ်လုပ်ပေးနေတာ ဖြစ်ပေမယ့် ပြီးခဲ့တဲ့ နှစ်တွေအတွင်း ကုမ္ပဏီဟာ တရုတ်ကို မှီခိုနေရတာများလာတယ်လို့ စဉ်းစားလာကြပါတယ်။ အဲဒီအတွက် Apple ဟာ တခြား နိုင်ငံတွေမှာ ထုတ်လုပ်မှုကို ပြောင်းရွှေ့ဖို့ ကြံစည်နေတာ ကြာပြီ ဖြစ်ပါတယ်။
Apple ဟာ တရုတ်က Foxconn Technology Group ကုမ္ပဏီတွေအပေါ် မှီခိုနေရတာကို လျှော့ချဖို့ စီစဉ်ထားပါတယ်။ တရုတ် အစိုးရရဲ့ Zero-Covid မူဝါဒကြောင့် Lockdown ချတာတွေ၊ iPhone Pro မော်ဒယ်တွေကို အဓိက ထုတ်လုပ်ပေးနေတဲ့ Foxconn ရဲ့ Zhengzhou စက်ရုံမှာ အဓိကရုဏ်းတွေ ဖြစ်နေတာကြောင့် Apple ဟာ တခြား နိုင်ငံတွေမှာ ထုတ်လုပ်မယ့် အစီအစဉ်ကို အမြန်ဆုံး အကောင်အထည် ဖော်တော့မှာပါ။
လေ့လာဆန်းစစ်သူ Ming-Chi Kuo က Apple ဟာ အိန္ဒိယမှာ iPhone ၄၀ ကနေ ၅၀ ရာခိုင်နှုန်း ထုတ်လုပ်ဖို့ စီစဉ်ထားတယ်လို့ ပြောပါတယ်။ ဗီယက်နမ်မှာ AirPods, Apple Watch နဲ့ MacBook တွေကို ထုတ်လုပ်မှာပါ။
Ref : gizmochina
