၂၀၂၂ ခုနှစ် ကုန်ဆုံးသွားပြီဖြစ်တဲ့အတွက် စမတ်ဖုန်း ရောင်းအား အကောင်းဆုံးဟာ ဘယ်ကုမ္ပဏီလဲဆိုတာ စိတ်ဝင်စားစရာ ကောင်းပါတယ်။ ၂၀၂၂ ခုနှစ်မှာ စမတ်ဖုန်း ရောင်းအားအကောင်းဆုံးက Samsung နဲ့ Apple ဖြစ်ပြီး အဲဒီနောက်မှာ Xiaomi , OPPO နဲ့ vivo တို့က ရပ်တည်နေပါတယ်။
Canalys ရဲ့ စစ်တမ်းအရ Samsung ဟာ ၂၀၂၂ ခုနှစ်မှာ ဈေးကွက်ဝေစု ၂၂ ရာခိုင်နှုန်ုး၊ Apple က ၁၉ ရာခိုင်နှုန်း၊ Xiaomi က ၁၃ ရာခိုင်နှုန်း၊ OPPO နဲ့ vivo က ၉ ရာခိုင်နှုန်းစီ ရခဲ့ပါတယ်။ ဒါပေမယ့် ၂၀၂၂ ခုနှစ်မှာ စမတ်ဖုန်း ရောင်းအားဟာ ၂၀၂၁ ခုနှစ်ကထက် ၁၁ ရာခိုင်နှုန်း ကျဆင်းခဲ့ပြီး အလုံးရေ ၁.၂ ဘီလီယမ်ပဲ ရောင်းချနိုင်ခဲ့ပါတယ်။
Canalys ရဲ့ စစ်တမ်းအရ ၂၀၂၂ ခုနှစ်မှာ Samsung ဟာ စမတ်ဖုန်း အလုံးရေ ၂၆၄ သန်းဝန်းကျင်၊ Apple က ၂၂၈ သန်း ဝန်းကျင်၊ Xiaomi က ၁၅၆ သန်းဝန်းကျင်၊ OPPO က ၁၀၈ သန်းဝန်းကျင်နဲ့ vivo က ၁၀၈ သန်းဝန်းကျင် ရောင်းချနိုင်ခဲ့ပါတယ်။
၂၀၂၁ ခုနှစ်နဲ့ နှိုင်းယှဉ်ရရင် အဲဒီနှစ်မှာ စမတ်ဖုန်း အလုံးရေ ၁.၃၅ ဘီလီယမ် ရောင်းချနိုင်ခဲ့ပါတယ်။ Samsung က အလုံးရေ ၁၇၄.၅ သန်းဝန်းကျင်နဲ့ ဈေးကွက်ဝေစု ၂၀ ရာခိုင်နှုန်ုး၊ Apple က ၂၃၀.၁ သန်းဝန်းကျင်နဲ့ ၁၇ ရာခိုင်နှုန်း၊ Xiaomi က ၁၉၁.၂ သန်းဝန်းကျင်နဲ့ ၁၄ ရာခိုင်နှုန်း၊ OPPO က ၁၄၅.၁ သန်းဝန်းကျင်နဲ့ ၁၁ ရာခိုင်နှုန်း၊ vivo က ၁၂၉.၉ သန်းဝန်းကျင်နဲ့ ၁၀ ရာခိုင်နှုန်း ရရှိခဲ့ပါတယ်။
Ref : gizchina
