Apple က နောက်လမှာ ထုတ်ကုန် အသစ် ၂ မျိုး ကြေညာနိုင်

ကိုရိုနာဗိုင်းရက်စ်ကြောင့် ကုန်ထုတ်လုပ်မှုတွေ ထိခိုက်နေပြီး ကုမ္ပဏီတော်တော်များများဟာ ထုတ်ကုန် မိတ်ဆက်ပွဲတွေကို ချိန်ညှိနေရပါတယ်။ Apple ကလည်း ကမ္ဘာအဝန်းမှာ စက်ရုံနဲ့ စတိုးတွေ ပိတ်ခဲ့ရပါတယ်။ ဒါပေမယ့် Apple ဟာ ဒီနှစ်မှာ ကြေညာဖို့ ထုတ်ကုန်များစွာရှိပြီး အခုတော့ နောက်လမှာ ထုတ်ကုန်အသစ်  ၂ မျိုးကို ကြေညာမယ်လို့ သတင်းထွက်လာပါတယ်။

အဲဒီ ထုတ်ကုန် ၂ ခုက ၁၃ လက်မ MacBook Pro နဲ့ AirPods အသစ် ဖြစ်ပါတယ်။ Apple ဟာ ကိုယ်ထည်ကို အဆင့်မြှင့်ထားမယ်လို့ သတင်းထွက်နေပါတယ်။ ဒါ့အပြင် ၁၃.၃ လက်မ ကနေ ၁၄.၁ လက်မ မျက်နှာပြင် အရွယ်အစားကိုလည်း ပြောင်းလဲနိုင်ပါတယ်။

အရင်ကတော့ လေ့လာဆန်းစစ်သူ Guo Minghao က Apple ဟာ MacBook Pro နဲ့ MacBook Air အသစ်ကို ဒီနှစ် ဧပြီလနဲ့ ဇွန်လအတွင်းမှာ ကြေညာနိုင်တယ်လို့ ခန့်မှန်းခဲ့ပါတယ်။ Apple ဟာ ပြီးခဲ့တဲ့ လက ၁၃ လက်မ၊ ၁၅ လက်မ MacBook Pro နဲ့ ပြီးခဲ့တဲ့ ၅ လက ၁၆ လက်မ MacBook Pro ကို ကြေညာခဲ့ပါတယ်။ အခုတော့ ၁၃ လက်မ MacBook Pro ရဲ့ သတင်းထွက်လာတာပါ။

Apple ဟာ ၁၃ လက်မ အစား ၁၄ လက်မ MacBook Pro ကို ကြေညာမယ်လို့လည်း သတင်းထွက်နေပါတယ်။ အဲဒီ လက်ပ်တော့မှာ 10^th Gen Intel Core Processor မောင်းနှင်ထားနိုင်ပြီး ဒေါ်လာ ၁,၄၀၀ ကျော်မယ်လို့ သတင်းထွက်နေပါတယ်။ မြန်မာငွေ သိန်း ၂၀ လောက်ရှိနိုင်ပါတယ်။

Ref : gizchina