Samsung ဟာ ၂၀၂၃ ခုနှစ် ဖေဖော်ဝါရီလ ပထမအပတ်ထဲမှာ Galaxy S23 Series Unpacked Event ကို ကျင်းပဖို့ စီစဉ်နေပါတယ်။ ဒီသတင်းဟာ ကိုရီးယားကနေ ထွက်ပေါ်လာတာ ဖြစ်ပြီး Unpacked Event အကြောင်းသိတဲ့ Samsung ရဲ့ အရာရှိ ၁ ယောက်က အတည်ပြုလိုက်တာလို့ သိရပါတယ်။
ကပ်ရောဂါ စတင်ဖြစ်ပွားပြီးနောက် လူတွေ တက်ရောက်တဲ့ Samsung ရဲ့ ပထမဆုံး Unpacked Event ဖြစ်ပြီး ဆန်ဖရန်စစ္စကိုမှာ ကျင်းပမှာ ဖြစ်ပါတယ်။
အရင်ကလည်း ကိုရီးယားကနေ Galaxy S23 Series Unpacked Event ကျင်းပမယ့် နေ့နဲ့ ပတ်သက်တဲ့ သတင်းအချက်အလက်တွေ ထွက်ပေါ်ခဲ့ဖူးပါတယ်။
တချို့သတင်းတွေက Galaxy S23 Series ကို ဇန်နဝါရီလ CES 2023 မှာ ကြေညာမယ်လို့ ပြောခဲ့ကြပေမယ့် Samsung ဟာ အဲဒီ ပွဲတွေမှာ S Series ကို ကြေညာလေ့ မရှိပါဘူး။ လာမယ့် ၂၀၂၃ ခုနှစ်မှာလည်း အဲဒီလိုပဲ ဖြစ်လာနိုင်ပါတယ်။
Galaxy S23 Series မှာ Samsung ရဲ့ Exynos Chipset အစား Snapdragon 8 Gen 2 Chipset ပါလာမယ်လို့ သတင်းထွက်နေပါတယ်။
Ref : gsmarena
