vivo ရဲ့ Sub-brand iQOO က တက်ဘလက် ဈေးကွက်ထဲ ဝင်ရောက်တော့မှာ ဖြစ်ပြီး ပထမဆုံး တက်ဘလက် အမည်က iQOO Pad ဖြစ်ပါတယ်။ မိတ်ဆက်ပွဲနေ့ကို မပြောသေးပေမယ့် မကြာခင်က Specs တွေ ပေါက်ကြားလာပါတယ်။
3C မှာ “PA2373” မော်ဒယ်နံပါတ်နဲ့ မှတ်ပုံတင်ထားပြီး iQOO Pad မှာ vivo ရဲ့ 44W FlashCharge ပါလာမှာပါ။ အရင်ပေါက်ကြားခဲ့တဲ့ သတင်းတွေအရ iQOO Pad ဟာ vivo Pad2 ကို အမည်ပြောင်းထားတာ ဖြစ်ပြီး အဆင့်မြှင့်ထားတဲ့ Chipset ပါလာမှာပါ။ Dimensity 9000+ Chipset မောင်းနှင်ထားပြီး Dimensity 9000 ကို Overclocked လုပ်ထားတာပါ။
TSMC ရဲ့ 4nm Process နဲ့ တည်ဆောက်ထားတဲ့ Dimensity 9000+ Chipset ဟာ စွမ်းရည်မြင့်မားပါတယ်။ iQOO Pad မှာ 12.1 Inch LCD မျက်နှာပြင် တပ်ဆင်ထားမှာ ဖြစ်ပြီး 144Hz Refresh Rate နဲ့ ကြည်လင်ပြတ်သားတဲ့ 2.8K Resolution ပါလာမှာပါ။
အနောက်ဘက်မှာ 13MP Main ၊ 2MP Macro ကင်မရာ ၂ လုံးနဲ့ အရှေ့ဘက်မှာ 8MP ကင်မရာ ၁ လုံး တပ်ဆင်ထားမှာပါ။ 10,000mAh Battery ထည့်သွင်းထားမှာပါ။ မေလ ၂၃ ရက်နေ့ ကြေညာမယ်လို့ ထင်ရပြီး ကုမ္ပဏီဟာ အဲဒီနေ့မှာပဲ Neo 8 Series ကို မိတ်ဆက်မှာပါ။
Ref : gizmochina
