realme ဟာ တရုတ်မှာ GT Neo3 ကို ကြေညာလိုက်ပြီး GT Neo3 ရိုးရိုး မော်ဒယ်နဲ့ 150W UltraDart Charging ပါတဲ့ မော်ဒယ် ၂ မျိုးထုတ်လုပ်ထားပါတယ်။ မော်ဒယ် ၂ မျိုးစလုံးမှာ MediaTek Dimensity 8100 Chipset နဲ့ 50MP Main ကင်မရာတွေ ထည့်သွင်းထားပါတယ်။
၆.၇ လက်မ AMOLED FHD+ မျက်နှာပြင် တပ်ဆင်ထားပြီး 120Hz Refresh Rate ထောက်ပံ့ထားပါတယ်။ HDR10+ ပံ့ပိုးထားပြီး သီးခြား မျက်နှာပြင် Chip ကြောင့် ဂိမ်းကစားရင် Frame Rate ချောမွတ်အောင်နဲ့ တချို့ အခြေအနေတွေမှာ စွမ်းအင်စားသုံးမှု နည်းပါးအောင် ပြုလုပ်ပေးနိုင်ပါတယ်။
8/12GB LPDDR5 RAM နဲ့ 128/256GB UFS 3.1 Storage ထည့်သွင်းထားပြီး အနောက်ဘက်မှာ OIS ပါတဲ့ 50MP Sony IMX766 , 8MP Ultrawide နဲ့ 2MP Macro ကင်မရာတွေ ပါလာပါတယ်။ ဆော့ဖ်ဝဲအကြောင်းပြောရရင် Android 12 အခြေပြု realme UI 3.0 မောင်းနှင်ထားပါတယ်။
realme GT Neo3 ရဲ့ အမိုက်ဆုံးက 80W Flash Charging ဖြစ်ပြီး 5,000mAh ဘက်ထရီကို ၃၂ မိနစ်အတွင်း ၀ ကနေ ၁၀၀ ရာခိုင်နှုန်း အားသွင်းပေးနိုင်ပါတယ်။ နောက်မော်ဒယ် ၁ လုံးမှာ 4,500mAh ဘက်ထရီကို ၅ မိနစ်အတွင်း ၀ ကနေ ၅၀ ရာခိုင်နှုန်း အားသွင်းပေးနိုင်တဲ့ 150W UltraDart Charging ထည့်သွင်းထားပါတယ်။
realme GT Neo3 အတွက် Black , Silverstone Silver နဲ့ Le Mans Blue အရောင်တွေ ထုတ်လုပ်ထားပါတယ်။ 6/128GB ကို ၁,၉၉၉ ယွမ်၊ 8/128GB ကို ၂,၂၉၉ ယွမ်နဲ့ 12/256GB ကို ၂,၅၉၉ ယွမ် သတ်မှတ်ထားကာ တန်ဖိုးအနည်းဆုံး မော်ဒယ်ဟာ ၅၅၀,၀၀၀ ဝန်းကျင် တန်ကြေးရှိပါတယ်။
realme GT Neo3 150W ရဲ့ 8/256GB ကို ၂,၅၉၉ ယွမ်နဲ့ 12/256GB ကို ၂,၇၉၉ ယွမ် သတ်မှတ်ထားပြီး တန်ဖိုးနည်း မော်ဒယ်ဟာ ၇၂၀,၀၀၀ ဝန်းကျင် တန်ကြေးရှိပါတယ်။
Ref : gsmarena
