Samsung ဟာ ဒီဇိုင်း ဆန်းသစ်တဲ့ Device ၂ ခုကို Tease လုပ်လိုက်ပါတယ်။ Samsung Display ရဲ့ ဘလော့မှာ ကုမ္ပဏီက လာမယ့် နှစ်တွေအတွင်း ထွက်လာနိုင်တဲ့ Device ၂ ခုရဲ့ ပုံကြမ်းတွေကို ပြသလိုက်တာ ဖြစ်ပါတယ်။ ပထမ ၁ ပုံမှာ ၃ ခေါက်ချိုးနိုင်တဲ့ မျက်နှာပြင် ပါလာတာကို မြင်ရပြီး Galaxy Fold ကို ဆန်းသစ်ထားတဲ့ ဒီဇိုင်းမျိုး ဖြစ်ပါတယ်။ ဒီဒီဇိုင်းကြောင့် Fold လို အပြင်ဘက် မျက်နှာပြင် အပို မလိုတော့ဘဲ ၃ ခေါက်ချိုးလိုက်ရင် အပြင်ဘက်မှာ မျက်နှာပြင်ကို အသုံးပြုနိုင်ပါတယ်။ ပုံကြမ်းရဲ့ အောက်ခြေမှာ Samsung OLED Logo ကို မြင်ရပါတယ်။
နောက်ထပ် ပုံကြမ်း ၁ ခုမှာ Tube ထဲကနေ ဆွဲထုတ်ကာ သုံးနိုင်မယ့် Rollable မျက်နှာပြင်ကို မြင်ရပါတယ်။ အသုံးမပြုချိန်မှာ Tube ထဲ လိပ်ထည့်ထားနိုင်တဲ့အတွက် အရွယ်အစား အရမ်းသေးငယ်ပါတယ်။ ဒါဟာ တော်တော် မိုက်တဲ့ ဒီဇိုင်း ဖြစ်ပြီး သွားလေရာ လွယ်လွယ်ကူကူ ယူဆောင်နိုင်ပါတယ်။ စားပွဲခုံပေါ်မှာ တင်ပြီး အသုံးပြုရမယ့် ဒီဇိုင်း ဖြစ်ပါတယ်။
Samsung က အဲဒီ ပုံကြမ်းထဲက Device တွေကို ထုတ်လုပ်ရောင်းချမယ်လို့ အတည်မပြုထားသေးပေမယ့် Samsung Display ဟာ အဲဒီလို မျက်နှာပြင်မျိုးပါတဲ့ Device မျိုးကို ထုတ်လုပ်နိုင်စွမ်းရှိတယ်ဆိုတာ အလင်းပြထားတာ ဖြစ်ပါတယ်။
အဲဒီ Device ထဲက ၁ လုံးကို မကြာခင် ကြေညာနိုင်ပါတယ်။ ၃ ခေါက်ချိုးနိုင်တဲ့ Device ရဲ့ ဒီဇိုင်းကို LetsGoDigital က ရေးဆွဲထားပြီး Slide-out Keyboard ၁ ခု ပါလာတာ မြင်ရပါတယ်။ အနာဂတ်မှာတော့ ဒီလို ဒီဇိုင်း ဆန်းသစ်တဲ့ Device တွေ အပြိုင်အဆိုင် ထွက်ပေါ်လာမှာ သေချာပါတယ်။
Ref : gsmarena
