vivo က တန်ဖိုးနည်း G2 ကို တရုတ်မှာ ကြေညာလိုက်ပါတယ်။ အဲဒီဖုန်းမှာ Dimensity 6020 Chip , 90Hz Refresh Rate နဲ့ 15W Charging ထောက်ပံ့တဲ့ 5,000mAh Battery ထည့်သွင်းထားပါတယ်။ အဲဒီ Specifications တွေက ပြီးခဲ့တဲ့ ဒီဇင်ဘာလက ကြေညာခဲ့တဲ့ vivo Y36i နဲ့ တူညီနေပါတယ်။
vivo G2 မှာ 6.56” IPS LCD HD+ မျက်နှာပြင် တပ်ဆင်ထားပြီး အရွယ်သေး Notch မှာ 5MP ဆဲလ်ဖီး ကင်မရာ ပါလာပါတယ်။ အနောက်ဘက်မှာ 13MP Main ကင်မရာ တပ်ဆင်ထားပါတယ်။ Android 13 အခြေပြု OriginOS 3 မောင်းနှင်ထားပြီး 15W Charging ထောက်ပံ့တဲ့ 5,000mAh Battery ပါပါတယ်။
vivo G2 အတွက် Space Black အရောင် ၁ မျိုးထဲ ထုတ်လုပ်ထားပါတယ်။ 4/128GB Version ကို ၁,၁၉၉ ယွမ် (၁၆၈ ဒေါ်လာ)နဲ့ 8/256GB Version ကို ၁,၈၉၉ ယွမ် ( ၂၆၇ ဒေါ်လာ) သတ်မှတ်ထားပါတယ်။ မြန်မာငွေနဲ့တွက်ရင် ၅၈၀,၀၀၀ နဲ့ ၉၃၀,၀၀၀ ဝန်းကျင် ကျသင့်မှာ ဖြစ်ပါတယ်။
Ref : gsmarena
