တရုတ်မှာ vivo S18 Series စမတ်ဖုန်း အသစ်တွေကို ကြေညာလိုက်ပြီး ကုမ္ပဏီက vivo TWS 3e အမည်ရ တန်ဖိုးနည်း ကြိုးမဲ့ နားကြပ်အသစ်ကိုပါ မိတ်ဆက်လိုက်ပါတယ်။ နားကြပ်မှာ Bluetooth 5.3 ဆက်သွယ်မှုနဲ့ Active Noise Cancelation ထည့်သွင်းထားပါတယ်။
နားကြပ်ကို အားအပြည့်သွင်းထားရင် သီချင်း ၁၁ နာရီ နားထောင်နိုင်ပါတယ်။ Charging Case က နားကြပ်ကို ၄ ကြိမ် အားအပြည့်သွင်းပေးနိုင်တဲ့အတွက် စုစုပေါင်း ၄၄ နာရီ သီချင်းနားထောင်နိုင်ပါတယ်။
နားကြပ်မှာ 1mm Dynamic Drivers နဲ့ Spatial Audio Playback အတွက် 3D Panoramic Sound Mode ပါပါတယ်။ Device ၂ ခုကို တစ်ပြိုင်နက် ချိတ်ဆက်နိုင်တဲ့ Multi-point Pairing စွမ်းရည်ထည့်သွင်းထားပြီး 55ms Low Latency Mode ကြောင့် အသံနောက်ကျတာတွေ မဖြစ်တော့ပါဘူး။
vivo TWS 3e အတွက် Dark Blue နဲ့ White အရောင်တွေ ထုတ်လုပ်ထားပြီး တရုတ်မှာ ယွမ် ၁၈၀ ( ၂၅ ဒေါ်လာ) သတ်မှတ်ထားပါတယ်။ လက်ရှိပေါက်ဈေးအရ မြန်မာငွေ ၈၅,၀၀၀ ဝန်းကျင်ပဲ ကျသင့်မှာ ဖြစ်ပါတယ်။ တရုတ်မှာ ဒီဇင်ဘာလ ၂၂ ရက်နေ့မှာ စတင် ရောင်းချမှာ ဖြစ်ပါတယ်။
စမတ်ဖုန်း ကုမ္ပဏီတွေဟာ ကြိုးမဲ့နားကြပ်ဈေးကွက်မှာလည်း ပြိုင်ဆိုင်မှု ပြင်းထန်နေကြပါတယ်။ အဲဒီအထဲမှာ vivo TWS 3e က တန်ဖိုးနည်း ကြိုးမဲ့နားကြပ် လိုချင်သူတွေအတွက် ရွေးချယ်စရာ တစ်ခု ဖြစ်ပါတယ်။
Ref : gsmarena
