Android နဲ့ iOS အတွက် Asphalt 9 : Legends ဂိမ်းသစ်လာတော့မယ်

Android ပဲဖြစ်ဖြစ် iOS ပဲဖြစ်ဖြစ် ဘယ် Mobile Devices တွေမှာပဲဖြစ်ဖြစ် နာမည်အကြီးဆုံးသော Racing Game ကိုပြောပါဆိုရင် Asphalt 8 ပဲဖြစ်မှာပါ။ အခု Asphalt 8 ဂိမ်းက ထွက်ရှိလာတာနှစ်နဲ့ချီကြာပြီဖြစ်ပေမယ့် အခုအချိန်အထိ Asphalt ဂိမ်းသစ်မထွက်ရှိသေးပါဘူး။

ဒါပေမယ့် အခုအချိန်မှာတော့ Asphalt ဂိမ်းတွေကို ထုတ်လုပ်နေတဲ့ Developer ဖြစ်တဲ့ Gameloft ကနေ Asphalt ပရိသတ်တွေအတွက် သတင်းကောင်းတစ်ခုကို ကြေညာလိုက်ပါတယ်။ အဲ့ဒါကတော့ Asphalt 9 ဂိမ်းသစ်ကို လာမယ့် လအနည်းငယ်အတွင်းမှာ ထုတ်လုပ်ပေးသွားမှာပဲဖြစ်ပါတယ်။

အခု Asphalt 9 ဂိမ်းသစ်ကို Legends လို့ နာမည်ပေးထားပြီးတော့ ယခင် Asphalt 8 ထက် ပိုပြီး ရုပ်ထွက်ကောင်းတဲ့ Graphic Engine ကို အသုံးပြုထားတာဖြစ်ပါတယ်။ Gameloft ကတော့ Console ဂိမ်းတွေနီးနီးကို ဂရပ်ဖစ်ကောင်းလာမယ်လို့သိရပါတယ်။

Asphalt 9 : Legends ဂိမ်းဟာ အလန်းစား Stunts တွေ၊ Locations အသစ်တွေမှာ ယှဉ်ပြိုင်ရမှာဖြစ်ပြီးတော့ ကစားသူတွေအတွက် Control အသစ်ဖြစ်တဲ့ Touchdrive စနစ်ကိုလည်း အသစ်ထည့်သွင်းထားမယ်လို့ သိရပါတယ်။ ဒါ့အပြင် Multiplayer ဂိမ်းတွေအတွက်လည်း ကစားသူ ၈ ယောက်အထိ ဆော့ကစားနိုင်မယ်လို့ သိရပါတယ်။