Signal ဟာ လုံခြုံစိတ်ချရတဲ့ Encrypted Messaging App ၁ ခု ဖြစ်ပြီး သင့် Message တွေ ခိုးယူမခံရအောင် ကာကွယ်ပေးနိုင်ပါတယ်။ WhatsApp, Facebook Messenger, Skype, iMessage နဲ့ SMS တို့ထက် Signal က ပိုမိုလုံခြုံပါတယ်။ Signal ကို Android , iPhone , iPad , Windows, Mac နဲ့ Linux အတွက် ထုတ်လုပ်ပေးထားပြီး သင့်မှာ ဖုန်းနံပါတ် ၁ ခုရှိတာနဲ့ အခမဲ့ သုံးနိုင်ပါတယ်။
Signal ကို သုံးရတာ Facebook Messenger , WhatsApp နဲ့ တခြား နာမည်ကြီး Chat App တွေနဲ့ အရမ်း တူပါတယ်။ Signal မှာ One-To-One Messages, Groups, Stickers, Photos, File Transfers, Voice Calls, နဲ့ Video Calls လုပ်ဆောင်ချက်တွေ ထည့်ထားပါတယ်။ Group Chat မှာ လူပေါင်း ၁၀၀၀ အထိ ပါဝင်နိုင်ပြီး Group Call ဆိုရင် လူ ၈ ယောက်အထိ ပြောနိုင်ပါတယ်။
Signal မှာ သင့် ဒေတာတွေကို ဘယ်လို ကာကွယ်ပေးထားသလဲ?
Signal ကို Non-profit Foundation ၁ ခုက ဖန်တီးထားတာ ဖြစ်ပြီး သင့် ဒေတာတွေကို ခိုးမကြည့်သလို ကြော်ငြာတွေလည်း မပြသပါဘူး။ End-to-end Encrypted ဖြစ်တဲ့အတွက် Signal ရဲ့ ပိုင်ရှင်တွေတောင် သင့် ဒေတာတွေကို ခိုးကြည့်လို့ မရပါဘူး။ Conversation ထဲမှာပါတဲ့ လူတွေကပဲ မြင်နိုင်ပါတယ်။ ဥပမာပြောရရင် Facebook က Facebook Messenger က သင့်ဒေတာတွေကို ကြည့်နိုင်ပါတယ်။ Facebook ကတော့ ဒီလို မလုပ်ဘူးလို့ ပြောထားပေမယ့် ယုံကြည်လို့ မရပါဘူး။ Signal မှာ Self-destructing Messages လို တခြား လုံခြုံရေး လုပ်ဆောင်ချက်တွေလည်း ပါပါတယ်။ Facebook က သင့် ဒေတာများစွာကို ရယူထားပြီး Signal ကတော့ ဘာမှကို မယူထားတာပါ။ Signal မှာ သင့် ဒေတာတွေကို သင့် ဖုန်းထဲမှာပဲ သိမ်းထားတာပါ။
Signal ကို ဘယ်လို အသုံးပြုရမလဲ?
Signal ကို အောက်ပါလင့်တွေကနေ အင်စတောလုပ်နိုင်ပါတယ်။
Download
အင်စတောလုပ်ပြီးရင် သင့် ဖုန်း နံပါတ်ထည့်ပေးပါ။ Signal က သင့် Contacts တွေကို အသုံးပြုခွင့်တောင်းပါလိမ့်မယ်။ ခွင့်မပြုရင်ရပေမယ့် ခွင့်ပြုပေးရင်တော့ သင့် Contacts တွေနဲ့ လွယ်လွယ်ကူကူ ချိတ်ဆက်နိုင်မှာပါ။ ပြီးရင်တော့ သင့် Contacts ထဲက Signal သုံးနေသူတွေနဲ့ စကားပြောနိုင်ပါပြီ။
signal.org/download/ ကနေလည်း Windows , Mac , Linux အတွက် Signal Desktop App တွေကို ရယူနိုင်ပါတယ်။ သင့် ဖုန်းနဲ့ ကွန်ပြူတာက Message တွေကို Signal က Sync ပြုလုပ်ပေးမှာပါ။ Signal က ဒီလုပ်ဆောင်ချက်ကို Optional အဖြစ် ပြုလုပ်ပေးထားပါတယ်။
ref : howtogeek
