လုပ်ချင်တဲ့အရာတွေကို အလွယ်ကူဆုံးမှတ်သားထားနိုင်တဲ့ Google Tasks App

တစ်ရက်တစ်ရက် အလုပ်မှာပဲဖြစ်ဖြစ်၊ ကျောင်းကိစ္စကြောင့်ပဲဖြစ်ဖြစ် ဘယ်တစ်ခုပြီး ဘာဆက်လုပ်ရမလဲဆိုတာကို မေ့သွားတာမျိုးကြုံဖူးပါသလား? တကယ်လို့ ကြုံဖူးတယ်ဆိုရင် အခုလိုမျိုး ဖြစ်တာကနေ ရှောင်ရှားနိုင်တဲ့နည်းလမ်းတစ်ခုကို အကြံပေးသွားမှာပဲဖြစ်ပါတယ်။

အခုပြောပြသွားမယ့် နည်းလမ်းဟာဆိုရင် ခက်ခဲတဲ့နည်းလမ်းမဟုတ်ဘဲ ကိုယ့် Android ပဲဖြစ်ဖြစ်၊ iPhone ပဲဖြစ်ဖြစ် ဖုန်းမှာ Application တစ်ခုသွင်းလိုက်တာနဲ့ ဖြေရှင်းပြီးဖြစ်သွားမှာပါ။ အခုလိုမျိုး သွင်းရမယ့် Application ကတော့ Google က ထုတ်လုပ်ထားတဲ့ Tasks Application ပဲဖြစ်ပါတယ်။

အခု Google Tasks Application ကို Google Play Store ကနေပဲဖြစ်ဖြစ်၊ Apple App Store ကပဲဖြစ်ဖြစ် အခမဲ့ Download ဆွဲနိုင်မှာဖြစ်ပြီးတော့ ကိုယ့်ရဲ့ Google Account နဲ့ ဝင်ရောက်ရမှာပဲဖြစ်ပါတယ်။ ဝင်ရောက်ပြီးတဲ့အချိန်မှာတော့ Add A New Task ကနေပဲ ကိုယ်လုပ်ဖို့ရှိနေတဲ့အရာတစ်ခုကို ရေးသားလိုက်ရုံပါပဲ။

အခု Google Tasks App ရဲ့ အားသာချက်ကတော့ Google Account နဲ့ ချိတ်ဆက်ထားတဲ့အတွက် Devices တွေမျိုးစုံမှာ Google Account ဝင်လိုက်တာနဲ့ To-do List ကို ပြန်လည်ကြည့်ရှုနိုင်မှာဖြစ်ပါတယ်။ ဒါ့အပြင် List နဲ့လည်း ခွဲခြားထားနိုင်ဦးမှာပါ။