Vivo က နောက်ကြေညာမယ့် Vivo Pad တက်ဘလက်ရဲ့ တရားဝင် ဓါတ်ပုံတွေကို မျှဝေလိုက်ပြီး အသုံးပြုလို့ရမယ့် နည်းလမ်းတွေကိုပါ ဖော်ပြထားပါတယ်။ အဲဒီ တက်ဘလက် ဒီဇိုင်းဟာ အရင်က ပေါက်ကြားခဲ့ဖူးပေမယ့် အခုမှသာ ပထမဆုံး အနေနဲ့ တရားဝင် ဓါတ်ပုံတွေကို မြင်တွေ့ကြရတာပါ။
Vivo Pad ဒီဇိုင်းဟာ Xiaomi Pad 5 , iPad Pro 11 နဲ့ ဆင်တူပြီး မျက်နှာပြင်ဘေးဘောင်တွေ ပါးလွှာကာ၊ ထောင့်စွန်းတွေက လုံးဝန်းသလို Physical ခလုတ်တွေ နည်းပါးပါတယ်။ ဒါ့အပြင် တက်ဘလက်ဟာ Vivo စမတ်ဖုန်းတွေထက် ပါးလွှာပြီး ဒစ်ဂျစ်တယ် ဘောပင်နဲ့ တွဲဖက် သုံးနိုင်ပါတယ်။ ကီးဘုတ်နဲ့ ချိတ်ဆက်ဖို့အတွက် Connector ၃ ခု တပ်ဆင်ထားပြီး Dolby Atmos စပီကာတွေ ထောက်ပံ့ထားပါတယ်။ အနောက်ဘက်မှာ ကင်မရာ ၂ လုံး ပါလာတာကို မြင်ရပါတယ်။
Vivo က ကီးဘုတ်နဲ့ တွဲဖက် အသုံးပြုနေတဲ့ ဓါတ်ပုံကိုပါ မျှဝေထားပြီး Kickstand လည်း ပါတဲ့အတွက် တက်ဘလက်ကို လက်ပ်တော့လို အသုံးပြုနိုင်တယ်လို့ Vivo က ပြောပါတယ်။ ကီးဘုတ်ရဲ့ ခလုတ်တွေက တော်တော်ကြီးမားနေတာကို မြင်ရပြီး Row ၅ ခု ပါပါတယ်။ Vivo က Trackpad ကို ထည့်သွင်းပေးထားပြီး Backlit ခလုတ်တွေလားဆိုတာ မသိရသေးပါဘူး။
Vivo Pad မှာ Snapdragon 870 Chipset , 120Hz Refresh Rate နဲ့ 8,040mAh ဘက်ထရီ ပါလာမယ်လို့ သတင်းထွက်နေပါတယ်။ Android ကို Customize လုပ်ထားတဲ့ Version ဖြစ်တဲ့ Ocean OS မောင်းနှင်ထားနိုင်ပြီး Vivo က တရုတ် ပြင်ပမှာ ရောင်းမလားဆိုတာ မပြောသေးပါဘူး။
Ref : notebookcheck
